Ang mga pulis na ito ang nagpapaalis sa mga nag poprotestang kulilig dryber
Imbes na matakot sa ultimatum na ibinigay ng Manila Police District, lalo pang hinarangan ng mga nagpoprotestang drayber ng kuliglig ang kahabaan ng Lawton.
"Wala akong kinita! Anak ko nga may sakit," sabi ng isang nagprotesta.
Bitbit ang kanilang mga anak at pamilya, nagpupuyos sa galit ang damdamin ng mga drayber.
Ilang beses silang pinakiusapang umalis pero tumanggi sila.
Gusto nila, harapin sila ni Manila Mayor Alfredo Lim para iparating nila ang kanilang pagtutol sa pag-ban sa mga kuliglig at pedicab sa Maynila.
Bandang alas-2 ng hapon, naubos na ang pasensya ng Manila Police. Inumang ang hose ng tubig para simulan ang dispersal.
Tinira sila ng tear gas. Nagpulasan sa iba-ibang direksyon ang mga nagpo-protesta pero gumanti din sila ng bato at bote na inihagis sa mga pulis.
Ang mga naiwang kuliglig, sinagasaan ng trak ng mga pulis.
Pero 'di umubra ang mga nag-protesta. Ang mga naabutan ng pulis, bugbog-sarado.
Ang isang lalaki, kitang-kita ng mga anak habang pinagpapalo sa ulo.
Kinaladkad naman ang isa pang lalaki na umano'y isa sa nakitang nambato ng bote.
Marami ang duguan. Ilan sa mga nagprotesta, inaresto habang nagmamakaawa naman ang kanilang mga kaanak.
Pero wala silang magawa.
Sa pananaw ng pulis-Maynila ay walang nangyaring overkill sa kanilang dispersal dahil maging ang mga pulis ay nasaktan din sa pangyayaring ito.
Kanina naman, ang mga kuliglig na kinumpiska ng mga pulis ay dinala na sa impounding area dito sa City Hall.
May mga iba pang natitira dito pero ito ay nakatakda na ring hakutin.
Ang mga inaresto naman sa ngayon ay nagpapa-medical na sa mga ospital at sila ay dadalhin sa headquarters ng Manila Police District.
Itong mga nagprotesta kanina ay dumulog na rin sa Supreme Court para humingi ng temporary restraining order, para ipatigil itong Executive Order 16 at 17 na nagbabawal sa mga kuliglig sa mga pangunahing lansangan ng Maynila.
Pero tumanggi ang Korte Suprema na makialam at ipinasa ito sa Manila Regional Trial Court.
Video ng mga kuliglig Dryber na nawalan ng hanap buhay
TAMA BA ANG GINAWA NG MGA PULIS??!!
Para sa akin. Maaring tama ang ginawa ng mga pulis sa mata ng batas, pero mali ito sa mata ng publiko, pero wala naman tayong magagawa sapagkat ito ang batas. Kaya lang naman ito ginawa ng mga pulis dahil ito ang inutos sa kanila. Hindi naman sila pwedeng umayaw sapagkat wala silang karapatan dahil ang nagutos sa kanila ay may matataas na posisyon. Pero ito ang kina sisigurado ko, kung ang mga pulis na nag paalis sa kanila ay hindi nging mga pulis. Maaaring mali din itong ginawa nila para sa kanila.
IKAW!!! ANO SA TINGIN MO??!! TAMA BA TALAGA ANG GINAWA NG MGA PULIS??!
